नौलो बिहान आउनु पर्ने ………


देशका लागि हाँसी-हाँसी सयौं युवा मरेपछि
नौलो बिहान आउनु पर्ने सयौं तारा झरेपछि

त्यस्तै बाली उम्रेने छ, जस्तो तिमीले छरेपछि
अरुलाई गाली ज्वरो आउँछ आँफूलाई परेपछि

पोतेको पो के काम भो र लगन पुरै टरेपछि
थुकी नदी बग्छ भन्छन सबै मिली गरेपछि

लौरो तिमीले बिर्सियौ कि जङ्घार कतै तरेपछि
मृगले पनि लखटने छ तिमी आँफै डरेपछि

पराईका भेडा बाख्रा आफ्नै करेसामा चरेपछि
बालीनाली सखाब पार्ला सबै पछि सरेपछि ।।

समर्पण : सम्माननीय नेताहरूप्रति , देशको वर्तमान परिप्रेक्षमा ।
काजीदाइ kajidai2004@yahoo.com

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *