ऊ सानै देखि सुन्दर चित्र बनाउन अभ्यस्त थियो । उसले पढ्न थाल्दा अगाडी आइ परेका रामायण, महाभारत र गीता पढ्यो । उसले गरुड पुराण र भागवत पुराण सुन्यो । अनि उसले थुप्रै पौराणीक पात्रहरुको चित्र कोर्‍यो, देवी, महाकाली, सरस्वती, सीता, राधा, लक्ष्मी आदि आदि ।
०००
उसको उमेरसँगै रुचीहरु फेरिए । उसले भानुभक्त पढ्यो, लेखनाथ पढ्यो, देवकोटा पढ्यो, भूपी पढ्यो र पारीजात पढ्यो । उसले आमा पढ्यो र युवाहरुको गीता पनि पढ्यो । उसको कलाले नौलो मोड लियो । उसका चित्रकलामा पुन देवीका आकृति देखापरे तर मुहारमा भने आमाको छवि थियो । सयौं सरस्वतीका चित्रहरु पुन कोर्‍यो । ती चित्रमा दिदीका छविहरु उतार्‍यो । उसले कोरेका राधा र सीताका चित्रहरुमा उसका प्रेमीका आकृति लेख्यो । उसका चित्रहरुमा नौलो आयाम थपियो । ख्याति चुलिदै गयो । उसले मान सम्मानहरु पनि पाउँदै गयो । उसका कलाहरुले ठूलो मूल्य पाउन थाल्यो ।
०००
उसलाई डि.भि.पर्‍यो । उसले इसाई धर्म मान्ने निर्णय गर्‍यो । उसलाई पुरातन धर्म प्रति द्वेष जाग्यो र बिद्रोह गर्यो ।सम्पूर्ण हिन्दु पुस्तकहरु जलायो र वाइवल पढ्न थाल्यो । शनै शनै बाइबल प्रति अन्ध भक्ति जाग्यो । क्रमश आफ्ना कलाकृतिहरु पनि नष्ट गर्दै गयो । जलाउँदै गयो देवीका सरस्वती र दुर्गाका तस्वीरहरु । उसले दिदीको छवि भएका सरस्वतीका तस्वीर पनि जलायो । प्रेयशीका छवि भएका सीताका तस्वीरहरु पनि जलायो ।
०००
आज हवाइजहाज चढ्ने दिन । उसले आमाका छवि भएका सरस्वतीका तस्वीरहरुका बाँकी अन्तिम पत्रहरु जलाउँदैछ ।

  •  
  •  
  •  
  •  
  •  
  •  
  •  

2 thoughts on “अन्ध विद्रोह”

  1. Malai tapai ko katha ramro
    Malai tapai ko katha ramro lagyo. Jahan ahileko yuwa pustale garne yathartha lai chitrana gariyako 6.

  2. Mahesh Prasad Bhatt

    Kushum Jee,
    Thanks a lot for

    Kushum Jee,
    Thanks a lot for your good efforts in Nepali Liturature. Keep it up. I’m inspired with your great work.

Leave a Reply

Your email address will not be published. Required fields are marked *