लस्भेगस ( अमेरिका ) यात्रा

लस्भेगस (अमेरिका ) – यात्रा

स्यान अन्टेनियोबाट , आयौँ अष्टिन कारमा।

उडीयो अष्टिनबाट , चढेर वायुयानमा ।

फ्रन्टिएर उठ्यो माथि, बोकी श्वान र मानिस।

बादल भित्र आकाश, पुर्यायो लस भेगस।

बसेर बसमा कारै, पार्किंड. पुगियो तब ।

चढेर कार भाडाको , प्याराडाइज होटल ।

केही विश्राम गरेरै ,खाना खाएर नै हिड्यौँ ।

भेगस कारमा कुन्नी , कुन कुना पुगी सक्यौँ ।

नतातो नचिसो कार, सुस्त सुस्त गुडी कन।

व्याख्या गर्दै सवै नाति, आफै तल्लिन देखाउन ।

न्यूयोर्क फ्रान्स मीश्रका, प्रतीक स्तम्भ नै पनि ।

नभमा नै उडेका ती, फोहरा जलका पनि ।

नर नारी घुमेका ती , झिली मिली जता ततै ।

छैन शव्द कुनै भन्न, बुझौँ आफै मनै मन।

जुवामा क्यासिनो खेल्नै , आएका महिला पनि ।

विदेशी देशवाशी ती, आएका खेल्न नै भनी ।

१/१०/०१७

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *