आज छ भोलि छैन (तीन मुक्तक)


१)

आज छ भोलि छैन चर्चा न हो जिन्दगी
आशाको डोरी बाट्ने चर्खा न हो जिन्दगी
कैले हास्छ, कैले बोल्छ, कैले त्यसै रिसाउछ
प्रेम अनि इर्ष्याको बर्षा न हो जिन्दगी ।

२)

तिमीले रोजेको उपमा म तिम्रो आँखाको कसिङ्गर नै सही
तिम्रो दृष्टिमा म सधै हावाले उडाउएको पात पतिंगर नै सही
आफैलाई बिर्सिएर जिन्दगीभर तिम्रो सुख-दुख ख्याल गर्न सकौ
तिम्रो गालीमा पनि म पुलकित छु काले, बदमाश, धशिंगरे नै सही ।

३)

सचेत भएर नि देशको लागि केही गर्न नसक्दा, मेरो शीर झुक्छ
बाध्यतामा अल्झेको छु, मरुभूमिको बालुवामा मेरो अनुहार लुक्छ
केही अब्बल काम गर्नै पर्छ भन्ने सोचाइबाट, कहिले भागेको छैन
यस्तो गहिरो बोध भएर नि, आफै पछि परेकोमा मेरो मुटू दुख्छ ।

अस्तु :

@विवेक दुलाल क्षेत्री “दमक ‘
दमक, झापा
हाल : अबुधाबी, यू ए ई ।

  •  
  •  
  •  
  •  
  •  
  •  
  •  

Leave a Reply

Your email address will not be published. Required fields are marked *