शुभकामना!

Submitted by Bantawabj on Thu, 10/01/2009 - 07:29

तिम्रो मन महासागर हो,
सदा माछा भै आउनेलाई बास दिनु
अनि आहारा दिनु तिम्रो धर्म।
तिम्रो हृदय मन्दिर हो,
आशा बोकी आउने भक्तहरुलाई
उमंग र उत्साह दिनु तिम्रो धर्म।
तिम्रो बोली सञ्जीवनी हो,
आफन्तकै दुनियाँबट टाढिएका
जिउँदोलाशलाई ब्युँताउनु तिम्रो धर्म।

त्यसैले तिमीलाई म भन्छु
तिमी त्यो दोषी हैनौ,
ह्रिदयमा बास दिनेहरु सदा कोमल रहन्छन।
त्यसैले म तिमीलाई भन्छु।
तिमी लुटिनु तिम्रो गल्ती हैन,
लुटिनेहरु सदा धर्ती झैं खुला रहन्छन।
त्यसैले म भनिरहन्छु
जिउँदो लाश ब्युँताउनेहरु
साबित्री झै सदा सदा पबित्र रहन्छन।

तिमीले जती पनि निभाएका छौ,
त्यो भुमिका निभाउन कसैले सक्दैन
तिम्रा जतिपनि पाईलाको गलत
अर्थ लगाउने ब्यक्ती ऊ शायद गलत छ।
तिमी त केवल सहारा दिंदा दिँदा सहारा रित्तिएको,
खुशी बाँडदा बाँडदा आफनै खुशी नै सिद्धिएको,
त्यो दानी अनि अरुले पाउनु पर्ने चोट आफैले खप्दा-२
चोटै चोटले सजिएको घाँईते सिपाही
जसको मल्हम पट्टी सम्म बाँध्न नसक्ने
यो स्वार्थी दुनियाँ।
उनीहरुको पाप तिमी मा थोपरेर
पुन्य कमाउने यो दुनियाँको निम्ती
आज तिमी आफ्नो अडिग निर्णय लिनु।

तिमीले दिएको उपहारहरु कसैले नदेखुन,
तिमीले दिएको ममता कसैले नबुझुन,
तर ति तिम्रा बलिदानहरु बुझिने छ।
तिमी आज निरिह भएर जहाँ उभिएका छौ।
तिमी आज बेसहारा सम्झिएर निराशिएका छौ।
तिम्रा आशाका महलहरु पनि शायद जलिसकेको हुनु पर्छ।
तिम्रा बलिदानले दिएका चोटहरु।
स्वार्थी दुनियाँले निकालेका खोटहरु
कुल्चिएर अघि बढ तिम्रै निम्ती गन्तब्य
उभिएको छ ह्रिदयभरी मायानै माया सजाएर।
तिम्रो हरेक पलको अमर गाथा कोर्न।
तिम्रो रित्तिएको शिउँदो भर्न,
अनि तिमी सँग, संगै जिउन अनि सँगै मर्न,
मात्र एकजनम नभएर सयौं जनम
जति जनम तिमी लिन्छौ त्यती नै जनम
तिम्रो सहयात्री बनेर तिम्रो गन्तब्य उभिएको छ।

अब कुल्चिएर हिंड, सबै दोषहरु
तोडेर हिंड सम्पुर्ण तिमीलाई छेक्ने पर्खालहरु।
गन्तब्य तिम्रो पर्खाइमा आफ्नो हात फिजाएर
न्यानो अँगालोमा बाँध्न पर्खी रहेछ।
तिमीले जति भोग्यौ सबै त्यो तितो भोगाईलाई
आजै समाप्त गरिदेऊ, आजै टाढा फ्याँकीदेऊ,
तिम्रो जिबनमा फेरी फेरी खञ्जर भएर नआवोस।
त्यो तिम्रो तितो अतित कहिल्यै नदोहोरियोस
तिमी आफ्नो खुशीको गगनमा उड्ने त्यो चरी बन्नु
तिमीलाई शुभकामना! तिम्रो निम्ती
इस्वरसँग लाख लाख
बन्दना।

बि जे बान्तवा राई
भोजपुर/ कोशी
http://bhojpures.blogspot.com

बिजी जी,धन्यबाद! यो अती

Submitted by gita thapa on Thu, 10/01/2009 - 17:40.

बिजी जी,धन्यबाद! यो अती सुन्दर भावनालाई मेहेनत
गरेर हामी सबैको साँझा आँगन मझेरीमा पनि यहाँ सहयात्री हुनुभएकोमा!
यो कवितालाई न्याय दिएर जजमेन्ट गर्ने पावर त ममा साह्रै छैन।
तर पनि यो कविता पँढेर धन्यबादका दुईशब्द नकोरी रहन सकिन।
त्यसैले मिठो कविताको लागि धन्यवाद है!
यहाँको कलम निरन्तर चलिनै रहोश भन्ने कामना गर्दछु।
गीता थापा
ईजरायल

धन्यबाद गीता जी, तपाईले आफ्नो

Submitted by Bantawabj on Thu, 10/01/2009 - 19:21.

धन्यबाद गीता जी, तपाईले आफ्नो अमूल्य सुझाव दिएर मेरो छोटो लेखलाई उत्साहित बनाउनु भएकोमा म धेरै धेरै आभारी छु | आगामी दिनहरुमा पनि अबस्य मौका मिलेमा नयाँ लेख संगै उपस्थित हुनेछु तपाईहरुको सामु धन्यबाद|

http://bhojpures.blogspot.com

"A person who never made a mistake never tried anything new" -Albert Einstein.

Omg, It's heart touch I

Submitted by अतिथि on Thu, 10/01/2009 - 20:05.

Omg, It's heart touch I really wonder, it's really such a story of mine I selute you dear keep it up and God bless you.

Mindblowing, dherai ramro6 bj

Submitted by mandirmilan on Thu, 10/01/2009 - 20:16.

Mindblowing, dherai ramro6 bj g, malai dherai khusiko mahasu bhayo, kabitaa kaa shabda shabdale dherai upadesh di raheko chha yasai gari lekhnu hola

mandir milan
USA

जिबन समुन्द्र झै शान्ता अनी शितल हुनुपर्छ, जहाँ हजारौं फोहोरका फोहरा छुटेर आएपनी आँफै भित्र हराई हाल्ने - मन्दिर मिलन

बि जे जी कबिता अत्यन्तै

Submitted by अतिथि on Thu, 10/01/2009 - 22:09.

बि जे जी कबिता अत्यन्तै राम्रो लाग्यो । pls ! तपाईको कबिता, लेख, रचना www.narisanjal.com को लागि narisanjal@gamail.com मा पठाएर कष्ट गरिदिनु हुन अनुरोध गर्दछु ।

बान्तवा जी समाजले अति घृणा को

Submitted by अतिथि on Thu, 10/01/2009 - 22:27.

बान्तवा जी
समाजले अति घृणा को दृस्टी लगाउने पात्र लाई कविता को मूल पात्र बनाएर ओझेलमा परेका समाज बाट लखेटिएका हरुलाई स्थान दिनुभएको मा मुरी मुरी धन्यवाद

विमल गौतम
साउदी अरेबिया

नमस्कार बि.जे.सर, सारै गहीरो

Submitted by अतिथि on Fri, 10/02/2009 - 16:32.

नमस्कार बि.जे.सर,
सारै गहीरो भाब ले भरीएको सारै मिठो कबिता,
तिन चार चोटी पदेपछी मात्रअली अली भुजेँ

"गन्तब्य तिम्रो पर्खाईमा आफनो हात फिजाएर
न्यानो अंगालोमा बाँध्न पर्खीरहेछ।"

हजुर सयौं ठेस लागे पनी पाईला नरोक्ने लाई,
काँडा बिजे पनी निरन्तर हिड्ने लाई,
बिशाल पहाडको बातो देखेर कहिल्यै हरेस नखाने लाई
गन्तब्य संधै हात फिँजाएर अंगालोमा बाँध्न पर्खीरहेको हुन्छ।
मनमै चस्क्कै छोयो,यती मिठो केशेली लिएर मझेरीमा
सबैलाई बाडदिनु भएकोमा धेरै धेरै धन्यबाद।
र फेरी फेरी पनी लिएर आउनुहोला...शुभ कामना....

इन्द्र पुन "इन्द्रेणी"

This is really wonderful

Submitted by अतिथि on Sat, 10/03/2009 - 01:35.

This is really wonderful poems, and warning for that blind society, I believe this would give console to all ppls really efected by the deff and blind society.

Ritu Sharma
California, USA.

ईन्द्र पुनजीको कबिता पनि

Submitted by छक्कु उदासी on Sun, 10/04/2009 - 14:15.

ईन्द्र पुनजीको कबिता पनि राम्रो लाग्यो ।

sorry !

बि. जे. सर नमस्कार! हजुरको

Submitted by minabantawa on Sun, 10/04/2009 - 18:10.

बि. जे. सर नमस्कार!
हजुरको `शुभकामना` जति-जति अध्यान गदै गयो उति-उति अर्थ भित्रको अर्थ बुनिनदै जान्छ,
कविताको लहराई भित्र मिठास फल छ,प्रतेक हरफहरु बिस्राम छैनन् सबै उक्ति-उक्तिले पूर्ण जुहारतले जडिएको पाए, जहाँ एक बिरुवाको सुरुवात्कोंन्तर हुन्छ,
म सायद तेत्ति बर्णन गर्न सक्दिन....कि ow! oh! भन्नु त सस्तो भै हाल्यो यति महंगी येत्ति मुल्यवान
इक स्त्री जतिको उधरित गरिएको छ,real fear ..हजुरको अरु पनि कविता लेख पनि मैले धेरै पढी सकेकी छु मलाई परादर्सिक लाग्छ, यसलाई निरन्तरता दिईरहनु होला,
मिना बान्तवा,

nari manko bedanalai korera

Submitted by अतिथि on Tue, 10/06/2009 - 12:36.

nari manko bedanalai korera utarnu bhaeko ma ma yati dherai khusi 6u, tapiko sadai ishwar raxya garun,

Sujata

सम्पूर्ण मेरा शुभचिन्तक

Submitted by Bantawabj on Thu, 10/08/2009 - 02:47.

सम्पूर्ण मेरा शुभचिन्तक मित्रहरुमा धन्यवाद, तपाईंहरुले मेरो रचना मन पराएर आफ्नो अमुल्य सुझाव छ|डनु भएकोमा तपाईंहरुमा हार्दिक धन्यवाद दिदैं आगमी भेट अबस्य दिनेछु यसरीनै तपाईंहरुको माया पाईरहेमा।