मझेरी डट कम

जनवरी ४, २०१०

श्रद्धेय पाठकबृन्द तथा लेखकहरू!

आफ्नै आफ्नै क्षेत्रबाट अमूल्य योगदान दिई मझेरीलाई गतिशील बनाउन सहयोग गर्नुभएकोमा हार्दिक धन्यबाद छ।

आजदेखि मझेरीमा रचनाहरू सम्प्रेषण गर्दा निम्न तरिका अपनाइने व्यहोरा अवगत गराउन चाहन्छौं।

• लेखकहरूले आफैं प्रकाशन गर्नुभएका रचनाहरूलाई (अहिले झैं) सिधै मझेरीको भण्डारमा थपिनेछ। नयाँ थपिएका रचनाहरू पढ्न मझेरीको देब्रे भागको "नयाँ लेख/रचनाहरू" मा क्लिक गर्नुहोस्।
• रचनाहरूको स्तरीयता, विधाहरूको समिश्रण, लेखकहरूको समिश्रण, आदिलाई ध्यानमा राखेर सम्पादकहरूले नयाँ रचनाहरूलाई मूख्य पृष्ठमा ल्याउन सक्नेछन्। सबै रचनाहरूलाई गृहपृष्ठमा समाबेश गर्न असमर्थ पनि हुन सक्नेछौं। साथै स्तरीय रचनाहरूलाई गृहपृष्ठमा ल्याउन केही समय लाग्नेछ। पाठक तथा लेखकज्यूहरूले हाम्रो विवशतालाई बुझिदिनुहुनेछ भन्ने आशा गर्दछौं।
• सबै प्रकाशित रचनाहरूलाई पढ्नको लागि, "नयाँ लेख/रचनाहरू" को सदुपयोग गर्न बानी बसाल्न अनुरोध छ।

करीब दुई वर्ष अगाडि स्थापना भए लगत्तै हामीले मझेरीमा स्तरीय लेख रचनाहरू प्रकाशन गर्ने तथा नेपाली साहित्यिक रचनाहरूको भण्डारको रुपमा यसलाई बिकास गर्ने प्रतिवद्धताका साथ लगातार हर बिधाका रचनाहरू थप्दै आएका छौं। अहिले, प्रकाशित रचनाहरूको संख्या करीब ४००० पुगेको यस मझेरी, सम्भवत, वेबको सबभन्दा ठुलो नेपाली साहित्यिक भण्डारको रुपमा परिणत भैसकेको छ। अँझ, रचनाहरूलाई सजिलै पैल्याउन सकिने गरी लेखकसूची, विधासूची, श्रोतसूचीबाट पाठकलाई सजिलै मन लागेको रचनाहरू खोज्न सकिने गरी समयसान्दर्भिक बनाउने प्रयास गरेका छौं।

मझेरीलाई अँझै अगाडि लैजानको निम्ति थप गुणस्तरीय रुपमा बिकास गर्नुपर्ने खाँचो देखिएकोले माथि उल्लेखित नयाँ नियमलाई अगाडि सारिएको हो। मझेरीका नियमहरू (हेर्नुहोस‌: मझेरीमा लेख रचना प्रकाशन गर्दा..)लाई अँझ प्रभावकारी बनाई सबै लेखक तथा बिधालाई समान रुपमा समावेश गर्ने हाम्रो उद्धेश्य हो। एकै लेखक तथा एकै विधाका धेरै रचनाहरू लगातार रुपमा देखा परिरहेको हालको सन्दर्भमा अलि प्रभावकारी रुपमा समावेश गर्न सकौं, हाम्रो लक्ष्य यही हो। यसको मतलब, सकृय लेखकहरूको रचनाहरू घटाउने उद्देश्य भने कदापि छैन। अझ, सकृय भई सरसल्लाह दिनुभएमा आभारी हुनेछौं।

साथै, गल्तीले गर्दा एकै रचनाहरू पटक पटक गृह पृष्ठमा देखिनु, कान्तिपुर आदि मझेरीले सपोर्ट नगर्ने फन्टहरू गृह पृष्ठमा देखिनु, विधा/लेखकको नाम आदि त्रुटिहरू भएका लेखहरू गृहपृष्ठमा देखिनु आदि गृह पृष्ठको स्तरीयतामा आँच आउने कुराहरू हटाउने लक्ष्य पनि रहेको छ।

आशा छ, आगामी दिनहरूमा झन साथ दिएर मझेरीलाई झन माया गर्नु हुनेछ। आउनुहोस्, तपाईं हामी सबै मिलेर एक स्तरीय तथा विशाल साहित्यिक मझेरी भण्डारको विकास गरौं।

मझेरी डट कम

• अक्टोबर ४, २००९
  
  मधुपर्क २०६६ असोजका केही साहित्यिक लेख/रचनाहरू थपिएका छन्। पढ्नको लागि यतातिर!
  
  
• सेप्टेम्बर १२, २००९
  मझेरीमा प्रकाशित रचनाहरूको संख्या ३००० नाघेको छ। सबै लेखक तथा पाठकहरूलाई धन्यवाद। आगामी दिनहरूमा पनि सकृय सहभागिताको लागि अनुरोध गर्दछौं।
  रचना नं ३००० मा परेको छ - उमेश चौलागाईंको 'नयाँ नेपाल बनाऊ' कविता। उमेशजीलाई बधाइ।
  
  
• सेप्टेम्बर ९, २००९
  मधुपर्क २०६६ भदौका केही साहित्यिक लेख/रचनाहरू थपिएका छन्। पढ्नको लागि यतातिर!
  
  
• जुलाई २९, २००९
  मधुपर्क २०६६ साउनका केही लेख/रचनाहरू थपिएका छन्। पढ्नको लागि यतातिर!
  युवामञ्च २०६६ साउनका केही साहित्यिक लेख/रचनाहरू थपिएका छन्। पढ्नको लागि यतातिर!
  
  
• जुलाई ४, २००९
  मधुपर्क २०६६ असार अंकका लेख/रचनाहरू मझेरीमा थपिएका छन्। पढ्नको लागि यतातिर!
  
  
• जुलाई ४, २००९
  मझेरीमा लेख रचना प्रकाशन गर्दा ख्याल गर्नुपर्ने कुराहरू: यो पेजमा हेर्नुहोस्।